Uda...zkena

Discover Dominique A!

(irakurtzen hasi aurretik jo "play" eta entzunez irakurri...eskerrik asko!ea gustoko duzuen!)


Bai, gaur da udaren azkena. Udak egin du aurtengoa. Beti bezain azkar, ziurrenik. Gaur da udaren azkena. Eta gaur hasten da udazkena; abendurarte egongo gara udazkenean, udak, benetan joan nahiko ez balu bezala, bere egonaldia luzatzen du, gure ezpainetan, gure ahotan besterik ez bada ere. Abenduan oraindik ere uda azkenean / udazkenean gaudela esango baitugu. Eta gero negua,uda ez den urtaro bakarra; ez da ez uda berririk oraindik bistan; ez eta uda azkena jada. Negu gorria.
Gure bizitzaren pare. Jaioberritan, jaio berri; gero, loraldi, gaztaro, heldutze, zahartze, ximeltzea. Desagertzea. Baina, bizitzan, urtaroetan bezala, asko luzatzen dira aroak. Aro bakoitzaren hasiera, erdi edo amaieran gauden jakin behar.Ez baita berdin uda hasieran egon, uda azkenean edo udazkeneko azkenean.
Gaur uda azkena da, bihar udazkena eta baita abenduak 20an ere. Luze joko dute udaren azken printzek.






Eta zuek? zein urtarotan zaudetela pentsatzen duzue? I vosaltres, en quina estació de la vostra vida penseu que esteu? (sento no haver traduït aquest post al catalá, pero és bastant dificil de traduïr, perqué hi ha molts jocs de paraules amb els noms de les estacions...pero podeu contestar que penseu...esteu al vostre estiu? o a la tardor? o....gràcies!)